بە گوێرەی بەدواداچوونی پەیامنێری تۆڕی میدیایی ئێستا لە هەولێر، دوای نوێژی نیوەڕۆی ئەمڕۆ هەینی، پیاوێک لەبەردەم مزگەوتێکی گەڕەکی بنەسڵاوە لە هەولێر کوژرا.
هەر بە گوێرەی قسەی سەرچاوەیەک کە هەواڵەکەی بۆ پەیامنێری تۆڕی میدیایی ئێستا پشتڕاستکردووەتەوە، هاوڵاتییەکە دوای ئەوەی لە مزگەوت هاتووەتە دەرەوە بە دەمانچە تەقەی لێکراوە و کوژراوە و ئەو کەسەی تەقەی کردووە هەڵاتووە.
باس لەوە دەکرێت ئەو کەسەی کوژراوە تەمەنی لە سەروو 60 ساڵەوە بووە و خەڵکی گوندی کانی بزرە بووە و پێدەچێت رووداوەکە بەهۆی کێشەی کۆمەڵایەتییە بووبێت.
