بە گوێرەی قسەی چەند سەرچاوەیەک، لەماوەیەکی نزیکدا جەنەڕاڵ مەزڵوم عەبدی بە یاوەریی وەفدێکی ئەمریکی و فەڕەنسی دەچێتە دیمەشق و لەگەڵ بەرپرسانی حکومەتی نوێی سوریا کۆدەبێتەوە.
مەزڵوم عەبدی بە سەرۆکایەتیی وفدی هەرێمی باکوور و رۆژهەڵاتی سوریا (رۆژئاوای کوردستان) سەردانی دیمەشق دەکات و ئەم سەردانە هەوڵێکی دیبلۆماسی و سیاسی دەبێت لەپێناو مامەڵەکردن لە بارودۆخە نوێیەکانی ناوچەکە.
بابەتی سەرەکیی وەفدەکە، مامەڵەکردنی ئیدارەی خۆسەر و وتوێژەکان لەگەڵ حکومەتی نوێی سوریا و پرسەکانی ئاسایش و سەقامیگیری ئەو ناوچانە دەبێت کە لە ژێر دەسەڵاتی هێـ.ـزەکانی سـ.ـوریای دیموکرات دان.
لەلایەن چاودێرانی سیاسیی و سەربازییەوە وا خوێندنەوە بۆ ئەم سەردانە دەکرێت، کە سەردانێکی مێژوویی و گرنگ دەبێت بۆ جێگیرکردنی خۆسەری دیموکراتی و هەرێمی باکوور و رۆژهەڵاتی سوریا لە دەستووری نوێدا.
