مافەکانی مرۆڤ کۆمەڵێک یاسا و رێسایی بنچینەیین وەک مافە سەرەکییەکانی مرۆڤ لە جیهاندا دیاریکراون کە نابێت ببەزێندرێن و بگۆڕدرێن و دەستکاری بکرێن و هەموو مرۆڤەکان بەبێ جیاوازیی رەگەزی، ئاینی، تەمەن، رەنگ هاوتان و هیچ جیاوازییەکیان نییە.
رۆژی جیهانیی مافەکانی مرۆڤ لە 10ی کانوونی دووەمدا یادی دەکرێتەوە کە کۆبوونەوەی گشتیی نەتەوە یەکگرتووەکان جاڕنامەی جیهانی مافەکانی مرۆڤی لە ساڵی 1948 پەسەندی کردووە و یەکێکە لە بەڵگەنامە وەرگێڕدراوەکانی جیهان و بە زیاتر لە 500 زمان بەردەستە.
مافەکانی مرۆڤ تێھەڵکێشی ھەموو ئەو بەند و یاسایانە کراون کە حکومەتەکان دایدەڕێژن لە ھەموو وڵاتانی جیھاندا، رێکخراوی نەتەوە یەکگرتووەکان مافەکانی داڕشتووە و رێکیخستوون تاوەکو پارێزگارییان لێ بکات و ھەڵوێست بنوێنێت و لە کاتی پێویستدا پێداچوونەوەیان بۆ بکات.
