ئەمڕۆ نرخی نەوتی خاو لە بازارەکانی جیهاندا زیاتر بەرزبووەوە و کۆتاییهاتنی دەسەڵاتی بەشار ئەسەد بە هۆکار دەزانرێت.
ئەمڕۆ دووشەممە، نرخی بەرمیلێک نەوتی خاوی برێنت بەڕێژەی 36 سەنت بەرزبووەوە، کە دەکاتە 0.51% و گەیشتە 71 دۆلار و 48 سەنت.
هەروەها نرخی نەوتی خاوی رۆژئاوای تەکساسی ئەمریکیش بەڕێژەی 38 سەنت بەرزبووەوە، کە دەکاتە 0.57% و نرخی هەر بەرمیلێک 67 دۆلار و 58 سەنتە.
شارەزایانی ئابوری هۆکاری بەرزبوونەوەی نرخی نەوت دەگەڕێننەوە بۆ کۆتاییهاتنی دەسەڵاتی بەشار ئەسەدی سەرۆکی سوریا کە رۆژی رابردوو گروپە چەکدارەکان ناچار بە هەڵاتنیان کرد و دەسەڵاتی 50 ساڵەی ئەسەد لە وڵاتەکەدا کۆتاییهات.
