ئەندامێكی ئەنجومەنی نوێنەرانی عێراق رایدەگەیەنێت، جگەلەو سێ 760 ملیار دینارە بەغداد بەنیاز نییە پارەی دیكە بۆ مووچە بنێرێت و پێویستە هەرێم خۆی كورتهێنانی مووچەی مانگی 10 پڕبكاتەوە.
دارا سێكانیانی، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، محەمەد شیاع سودانی سەرۆك وەزیرانی عێراق لە پەرلەمان باسی لەوە كردووە بەغداد تەنها سێ 760 ملیار دینار بۆ مووچەی مانگەكانی 10، 11 و 12 دەنێرێت و ئامادەنییە مناقلە لە پشكی هەرێمی كوردستان بكات و پارەی تەرخانكراو بۆ مووچە زیادبكرێت.
ئەندامەكەی ئەنجومەنی نوێنەران باسی لەوەش كرد، “پێویستە هەرێمی كوردستان خۆی كورتهێنانی مووچەی مانگی 10 پڕبكاتەوە”.
