پەیامنێری تۆڕی میدیایی ئێستا ڕایگەیاند، ئەمڕۆ فڕۆکە جەنگییەکانی تورکیا سنوری ناحیەی شیلادزێ و باتیفا و دەرکارێ – یان لە سنوری پارێزگای دهۆک بۆردومانکردووە.
ڕزگار عوبەید، بەڕێوەبەری ناحیەی شیلادزێ بە تۆڕی میدیایی ئێستای ڕاگەیاند، “ئەمرۆ یەکشەممە کاتژمێر8:30 بەیانی فڕوکە جەنگیەکانی تورکیا بۆردومانی چیایی کورەژاریان لە سنوری ناحیەکەمان کرد و زیان بە دارستانی چیاکە گەیشتووە، بەڵام هچ زیانی گیانی بەرخەڵکی ناوچەکە نەگەیشتووە.”
لەلایەکی دیکەوە پەیامنێرمان لە دهۆک ڕایگەیاند، هەر ئەمڕۆ کاتژمێر 10ی بەیانی ، فڕۆکەکانی تورکیا بۆردومانی ئاقاری گوندی سنداڤایان لە ناحیەی دەرکارێ-ی سەربەقەزای زاخۆ کرد و کاتژمێر 5ی ئێوارەش بەچری بۆردومانی نزیک گوندەکانی ئەڤلهێ و پیربلا و بانکا سەری ، لەسنوری ناحیەی باتیفای سەربەقەزای زاخۆ کراوە و بەو هۆیەوە زیانی زۆر بەردارستانی ناوچەکە و باغ و بێستانی هاوڵاتیان کەوتووە.
