بەهۆی دروستبوونی كێشەی كارەبایی و تەكنیكی لە ئۆتۆمبێلەكانیدا، كۆمپانیای جەنەراڵ مۆتۆرسی ئەمریكی 132 هەزار ئۆتۆمبێل لە بازارەكانی جیهاندا دەكشێنێتەوە.
بەڕێوەبەرایەتیی هاتوچۆ و رێگاوبانی ئەمریكا رایگەیاند، كۆمپانیای جەنەرال مۆتۆرسی ئەمریكی، دوای بەرهەمهێنانی ژمارەیەكی بەرچاو لە ئۆتۆمبێلی نوێ، كێشەیەك لە ئۆتۆمبێلەكاندا دەدۆزێتەوە و بەوهۆیەوە 132 هەزار ئۆتۆمبێل لە بازِارەكانی جیهاندا دەكشێنێتەوە.
ئاماژەی بەوەشكردوە، ئۆتۆمبێلەكان كێشەی كارەباییان هەیە كە مەترسی دزەكردنی ئاو لە سەقفەكەیەوە بۆ ناو ئۆتۆمبێلەكان دروستدەكات و لەگەڵ ئەوەشدا، ناتوانرێت دەرگاكانی بەشی دواوەی ئۆتۆمبێلەكان بەتەواوی دابخرێن و ئەمەش لایەنی سەلامەتییان كەمدەكاتەوە.
هاوكات جۆر و مۆدێلی ئۆتۆمبێلەكان بریتیبوون لە چیڤرۆلێت سێلڤێرادۆ مۆدێل 2024 و جی ئێم سی سیێرا مۆدێل 2024 كە لە ماوەی رابردوودا خرابوونەڕوو.
