چوارچێوەی هەماهەنگی کۆبووەوە و جەختیکردەوە، ئاسایشی سوریا درێژکراوەی ئاسایشی نەتەوەیی عێراقە.
شەوی رابردوو لایەنەکانی ناو هاوپەیمانێتی چوارچێوەی هەماهەنگی بە ئامادەبوونی محەمەد شیاع سودانی کۆبوونەوە و راگەیەندراوێکی هاوبەشیان لەبارەی دۆخی سوریا بڵاوکردەوە.
لە راگەیەندراوەکەدا هاتووە، نیگەرانن لە دۆخی سوریا و کۆنتڕۆڵکردنی چەندین ناوچەی گرنگ لەلایەن تیرۆرستانەوە، ئاسایشی سوریا درێژکراوەی ئاسایشی نیشتمانیی عێراق کە لە رووی جوگرافییەوە هاوسنوورن.
لە بەشێکی دیکەی راگەیەندراوەکەدا هاتووە، هەوڵەکانی حکومەت و ئەو ئامادەباشییانەی بۆ رووبەڕووبوونەوەی هەر دۆخێکی نەخوازراو گیراونەتە بەر بەرزدەنرخێنین، داوا لە هاوڵاتییانی عێراق دەکەین گرنگی بە شەڕی دەروونی راگەیاندنەکان نەدەن.
