بەپێی ئامارەکانی رێکخراوی نەتەوەیەکگرتووەکان تا ساڵی 2021، 50 ملیۆن کەس لە جیهاندا لە ژیانی کۆیلایەتییدا دەژین و تا دێت ژمارەکەش روو لە هەڵکشان دەکات.
رێکخراوی نەتەوەیەکگرتووەکان رۆژی 2 ی کانوونی یەکەمی وەک رۆژی بەرەنگاربوونەوەی کۆیلایەتی بە هەموو جۆرەکانییەوە دەستنیشانکردووە.
بەپێی ئامارەکانی رێکخراوەکە، تا دێت کۆیلایەتی مۆدێرن روو لە زیادبوون دەکات کە خۆی لە کارپێکردنی ناچاری، کۆیلایەتیی لە بری قەرز، هاوسەرگیری پێشوەختە بازرگانیکردن بە مرۆڤ و هەر کارێک کە مرۆڤ نەیەوێت ئەنجامی بدات و لەژێر زەبر و فشاردا نەتوانێت رەتیبکاتەوە دەگرێتەوە.
