لە وەزارەتی شارەوانیی هەرێم وۆركشۆپێک بۆ خێراكردنی پڕۆسەی دابەشكردنی زەوی بەسەر فەرمانبەراندا رێكخرا کە بەمەبەستی بەدواداچوون بۆ بڕیاری دابەشكردنی زەوی بەسەر فەرمانبەراندا و خێراكردنی پڕۆسەكە و چارەسەركردنی ئەو گرفتانەیە كە لە هەندێك شارەوانیدا هەن.
بەپێی راگەیەندراوێكی وەزارەتی شارەوانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لە وۆرکشۆپەکەدا باس لە باشتركردن و خێراكردنی پڕۆسەی دابەشكردنی زەوی بەسەر فەرمانبەراندا كران و باس لەو گرفتانەش كران كە لە هەندێك شارەوانیییەكاندا هەن.
هەر لە راگەیەندراوەكە هاتووە، پێویستە پڕۆسەی دابەشكردنی زەوی بەسەر فەرمانبەراندا خێراتربكرێن بۆ ئەوەی هەموو ئەو فەرمانبەرانەی كە مەرجەكان دەیانگرێتەوە، زەوی وەربگرن و لە بڕیارەكە سوودمەند ببن.
