نوێترین توێژینەوەكان دەریانخستووە، بەهۆی گۆڕانكارییە ژینگەییەكانەوە، جیهان لەچەند ساڵی داهاتوودا رووبەرووی كەمئاوی دەبێتەوە، هۆكاری سەرەكیش گۆرانی كەشوهەوا، جەنگ و پیسبوونی ژینگەیە.
ئاژانسی ناسا بڵاویكردووەتەوە، ئاوی خواردنەوە بەشێوەیەكی بەرچاو لەجیهاندا كەم دەكات، لەكاتێكدا تەنها 3%ی جیهان ئاوی سازگارە و 97 %ی ئاوی جیهان ئاوی دەریا و زەریاكانە و شیاوی خواردنەوە و بەكارهێنان نین، ئەمە لەكاتێكدایە، لەو لەسەدا سێیەش 70%ی بۆ كشتوكاڵ و ئاودێری لە جیهاندا بەكاردێت.
ئاماژە بۆ ئەوەش كراوە، كەمبوونەوەی ئاو دەبێتە مەترسییەكی گەورە بۆسەر هەموو جیهان، هەرچەندە لە چەندین وڵاتی جیاوازدا بەئاشكرا مەترسییەكە هەستی پێدەكرێت لەوانە، وڵاتانی ئەمریكای لاتین، كیشوەرەكانی ئەمریكا، ئەوروپا، ئەفریقا، ئوسترالیا.
