بەمەبەستی رێگریکردن لە کۆچی نایاسایی حکومەتی بەریتانیا بەنیازە بە پارە مامەڵە لەگەڵ چەند وڵاتێکدا بکات لەنێویشیاندا هەرێمی کوردستان.
رۆژنامەی تایمزی بەریتانی بڵاویکردەوە، حکومەتی بەریتانیا دانووستانەکانی لەگەڵ هەریەکە لە تورکیا ڤێتنام هەرێمی کوردستان دەستپێکردووە بە مەبەستی کۆنتڕۆڵکردنی کۆچی نایاسایی لێیانەوە.
ئاماژەی بەوەشکرد، ئێڤێنت کۆپەر وەزیری ناوخۆی وڵاتەکە دانووستانەکان بەڕێوەدەبات بڕیارە بڕە پارەیەکیان بۆ تەرخانبکرێت تا بەهۆیانەوە رێکەوتن بکرێت و کۆچی نایاسایی کۆتایی پێبهێنرێت و پێش سەرەتای ساڵی داهاتوو یەکلایی دەکرێتەوە.
