وەزارەتی تەندروستیی هەرێمی كوردستان ڕایدەگەیەنێت، لە ماوەی 24 كاتژمێری ڕابردوودا 110 توشبووی نوێی كۆرۆنا لە هەرێم تۆماركراون و سێ توشبووش مردوون.
وەزارەتی تەندروستیی هەرێم ئەمڕۆ یەكشەممە 17ی كانونی دووەم بڵاویكردەوە، لە ماوەی 24 كاتژمێری ڕابردوودا 3 هەزار و 944 پشكنین ئەنجامدراون و لەو ژمارەیە 110 توشبووی نوێ تۆماركراون.
بە گوێرەی ڕاگەیەندراوی وەزارەتی تەندروستی، لە ماوەی 24 كاتژمێری ڕابردوودا 971 توشبوو چاكبوونەتەوە و سێ توشبووش گیانیان لەدەستداوە، كە دووانیان لە هەولێر و یەكێكیان لە سلێمانی بووە.
