حاڵەتەکانی تووشبوون بە سکچوون و رشانەوە لە قەزای شارەزوور، بەڕێژەی50% کەمیانکردووە و دۆخی تەندروستییان باشە.
سەرچاوەیەک لە بەشی فریاکەوتنی نەخۆشخانەی گشتیی شەهید رەئوف بەگ لە شارەزوور، بە تۆڕی میدیایی ئێستای راگەیاند، ژمارەی تووشبووانی سکچوون و رشانەوە سەرووی دوو هەزار و 500 کەسە.
باسی لەوەشکرد، سەرجەم تووشبووان دۆخی تەندروستییان جێگیرە و تەنها هەست بە ئازارێکی کەم دەکەن و دەتوانین بڵێین حاڵەتەکانی تووشبوون بەڕێژەی50% کەمیانکردووە.
لە چەند رۆژی رابردوودا بەشێک لە هاوڵاتییانی قەزای شارەزووی سەر بە پارێزگای سلێمانی تووشی سکچوون و رشانەوە بوون، بەرپرسانی تەندروستی لە سنوورەکە هۆکارەکەیان بۆ پیسبوونی ئاوی خواردنەوە گەڕاندەوە.
