ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، بەپێی بڕیاری دادگای فیدراڵی، بەغداد مووچەی مانگەكانی 10، 11 و 12 دەنێردرێت و هیچ مەترسییەكی لەسەر نییە”.
د. جەمال كۆچەر، ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بەپێی بڕیاری دادگای فیدراڵیی عێراق ناردنی مووچەی سێ مانگی كۆتایی ئەمساڵ كە بریتییە لە مووچەی مانگەكانی 10، 11 و 12 دەنێردرێت و پەیوەندیی بە كورتهێنانەوە نییە.
راشیگەیاند، ئەو بڕە پارەیەی بۆ مووچە تەرخاندەكرێت نابێت لەو بڕە تێپەڕێت كە وەك پشكی هەرێمی كوردستان دیارییكراوە.
