بەڕێوەبەری گشتیی پلاندانان لە وەزارەتی خوێندنی باڵا، رایگەیاند، “بەشی زیرەکیی دەستکرد لە چەند زانکۆیەک کراوەتەوە و خواستی زۆری لەسەرە”.
خەتاب شێخانی، بەڕێوەبەری گشتیی پلاندانان لە وەزارەتی خوێندنی باڵای هەرێم لە کۆنفرانسێکی رۆژنامەوانیدا رایگەیاند، لە کۆمەڵگەی ئێمەدا ساڵانە بەشە پزیشکییەکانی زانکۆ و پەیمانگەکان خواستێکی زۆریان لەسەرە لەلایەن دەرچووانی پۆلی 12ی ئامادەییەوە و دوای ئەوانیش کۆلێژ و بەشەکانی ئەندازیاری.
باسی لەوەش کرد، ئەمساڵ بەشی زیرەکیی دەستکرد لە چەند زانکۆیەکی هەرێمی کوردستان کراوەتەوە و خواستێکی زۆری لەسەرە.
