سبەینێ ئەنجومەنی نوێنەرانی عێراق کۆدەبێتەوە و سەرۆکی ئەنجومەنەکە هەڵدەبژێردرێت.
بەپێی بەرنامەی کاری کۆبوونەوەی ئەنجومەنی نوێنەران، سبەینێ پێنجشەممە کۆبوونەوەکە بەڕێوەدەچێت و سەرۆکی نوێ هەڵدەبژێردرێت.
چرۆ حەمەشەریف ئەندامی ئەنجومەنی نوێنەران بە تۆڕی میدیایی ئێستای راگەیاند، راستە سبەینێ کۆبوونەوەی ئەنجومەنی نوێنەران بەڕێوەدەچێت و بەرنامەی کار دیاریکراوە، بەڵام بە ئەگەرێکی زۆرەوە ناتوانرێت ئەم جارەش پرسی هەڵبژاردنی سەرۆک یەکلاییبکرێتەوە.
وتیشی، راستە ناوی مەحمود مەشهەدانی یان چەند کەسێکی دیکە وەک کاندیدی سەرۆکی ئەنجومەنی نوێنەران دەهێنرێت، بەڵام ئەمە پشکی سوننەکانە، تا ئێستا ئەوانیش نازانن کێ کاندیدیانە.
ماوەی ساڵێکە لەدوای دوورخستنەوەی محەمەد حەلبوسی پۆستی سەرۆکی ئەنجومەنی نوێنەران بە بەتاڵی ماوەتەوە و وێڕای فشارەکان لایەنە سیاسییەکان لەسەر جێگرەوەی رێکنەکەوتوون.
