بەڕێوەبەری كارگێڕی لە قائیمقامیەتی سلێمانی رایدەگەیەنێت، سەرجەم فەرمانبەرەكانمان فۆڕمی تەوتین پڕدەكەنەوە.
فریا عەبدولرەحمان، بەڕێوەبەری كارگێڕی لە قائیمقامیەتی سلێمانی لە لێدوانێكدا رایگەیاند، لە قائیمقامیەت نزیكەی 110 فەرمانبەرین و فۆڕمی تەوتین ئامادەكراوە و چاوەڕوانی رێنمایی وەزارەتی دارایی عێراق دەكەین كە چۆن هەماهەنگی بكەین لەگەڵ بانكەكان.
راشیگەیاند، فەرمانبەران كاردانەوەی باشیان بەرامبەر بە تەوتین هەیە و بەهەمان شێوە گرێبەستەكانیشمان فۆڕمەكە پڕدەكەنەوە و سەرجەم فەرمانبەران لەگەڵ ئەوەدان تەوتین بكەن چونكە دادگای فیدڕاڵیی عێراق بڕیاری لەبارەوە داوە و فەرمانبەران خۆیان سەرپشكن لە هەڵبژاردنی تەوتین یاخود هەژماری من.
