دەزگای شەهیدانی عێراق رایدەگەیەنێت تەنها دوو توێژ لە هەرێم یاسای نوێی شەهیدانی عێراق دەیانگرێتەوە.
عەبدولئیلا نائیلی سەرۆکی دەزگای شەهیدانی عێراق رایگەیاند، شەهیدانی پێشمەرگە ئەوانەی لە دەرەوەی سنوورەکانی هەرێم شەهیدبوون یاسای شەهیدانی عێراق دەیانگرێتەوە.
ئاماژەی بەوەشکرد، ئەو پێشمەرگانەی لە سنووری کەرکوک و دیالە و سەڵاحەدین و پارێزگاکانی دیکەی عێراق کاریانکردووە و دواتر شەهیدبوون و ئەوانەی لە وەزارەتی شەهیدان و ئەنفالکراوانی هەرێم ناویان تۆمارنەکراوە یاساکە دەیانگرێتەوە.
یاسای شەهیدانی عێراق ماوەیەک لەمەوبەر لەلایەن ئەنجومەنی نوێنەرانەوە پەسەندکرا.
وتیشی، لەگەڵ وەزارەتی شەهیدان و ئەنفالکراوانی هەرێم هەماهەنگیمان کردووە بەمەبەستی راییکردنی مامەڵەی ئەو کەسانەی یاساکە دەیانگرێتەوە.
