کۆمسیۆنی باڵای هەڵبژاردنەکان بڵاویکردەوە، ئێوارەی ئەمڕۆ ئەنجامی بەرایی هەڵبژاردنی پەرلەمانی کوردستان رادەگەیەنن.
جومانە غەلای وتەبێژی کۆمسیۆنی باڵای سەربەخۆی هەڵبژاردنەکان رایگەیاند، لە کاتژمێر 4:30 خولەکی ئێوارەی ئەمڕۆ لە کۆنگرەیەکی رۆژنامەوانیدا ئەنجامی بەرایی هەڵبژاردنی پەرلەمانی کوردستان رادەگەیەنین.
دوێنێ یەکشەممە هەڵبژاردنی گشتی پەرلەمانی کوردستان بەڕێوەچوو کە تێیدا دوو ملیۆن و 683 هەزار و 618 کەس مافی بەشدارییان لە دەنگداندا هەبوو و لەو ژمارەیەش رێژەی 72% یان دەنگیاندا.
