پێشڕەو مەلا وەیسی رۆژنامەنووس و میدیاكار دەڵێت، “ئەوەی ئەمڕۆ لە كەرنەڤاڵی لیستی 129ی یەكێتیی نیشتمانیی كوردستان لە دهۆكی دەلال بینرا و بیسترا ئەو راستییەی بە گوێی هەموواندا دا كە یەكێتیی بەڕابەرایەتیی سەرۆكەكەی هەموو سنوورە دەستكردەكانی تێكشكاندوو لە دهۆكەوە جارێكی تر خۆری هیوای سەرجەم ناوچەكانی بەڕووی ئەو دەڤەرەدا هەڵهێنا و چۆكی بە چەوساندنەوەی كادیر و لایەنگرەكانی حزبەكەیدا داو لەناو جەرگەی دەسەڵاتی بە زۆر سەپێندراوی كۆتكردووی ئازادی شۆڕشی بەگژداچوونەوەی داهێنا.
ئەو رۆژنامەنووسە دەشڵێت، “ئەوە یەكێتیی نیشتمانیی كوردستانە، لە ئاشتیدا، كۆتری سپی و شنەی بایە، لە شەڕ و كاتی چەوساندنەوەی هەر كوردێك و هەر كادریر و لایەنگرێكی لە هەر كوێیەك بێت، پڵنگ و ڕەشەبایە، بۆیە چاوەڕوانی گۆڕانكاریی گەورە لە سیستمی حكومڕانیی هەرێمی كوردستان دەكرێت لە دوای 20ی ئەم مانگە بەڕابەرایەتیی یەكێتی و سەرۆكە بووێرەكەی”.
