داهاتی هەفتەی رابردووی سلێمانی لە رۆژی 5 تاوەکو 11ی تشرینی یەکەمی 2024 زیاتر لە 8 ملیار دینار بووە.
سایتی شەفافیەت بۆ چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی راپەڕین و گەرمیان داهاتی هەفتەی رابردووی بڵاوکردەوە کە بڕی 8 ملیار و 510 ملیۆن و 869 هەزار و 70 دینار بووە، بەجۆرێك كە 75%ی داهاتەکە بەشێوەی نەختینەیە، هەروەها 21%ی بەشێوەی چەک و 4%یشی بەشێوەی (مقاصە) بووە.
ئێستا رۆژانە دەتوانیت سەرجەم داهاتە نانەوتییەكانی پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەڕین لە سایتی شەفافییەتەوە بزانیت.
