لە رووداوێکی هاتوچۆدا لەسەر رێگای کەلار بۆ مەرزی نێودەوڵەتیی پەروێزخان، کەسێک گیانیلەدستدا و کەسێکی دیکە برینداربوو.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، بەیانیی ئەمڕۆ بەهۆی پێکدادانی دوو ئۆتۆمبێلی جۆری کرۆلا تاکسی و کیا لەسەر رێگای کەلار بۆ مەرزی نێودەوڵەتیی پەروێزخان، دوو کەس بەسەختی برینداربوون، کە شۆفێری هەردوو ئۆتۆمبێلەکە بوون، پاش گەیاندنیان بە نەخۆشخانەی فریاکەوتنی شەهید هەژار بەهۆی سەختی برینەکەیەوە یەکێک لە بریندارەکان گیانیلەدەستدا .
دەشڵێت، ئەوکەسەی گیانیلەدەستداوە لەدایکبووی ساڵی1967ەو، دانیشتووی قەزای کەلارە و شۆفێری ئۆتۆمبێلی جۆری تاکسییەکەیە.
