پۆلیسی هەولێر دەستگیرکردنی کەسێکی راگەیاند کە بە فێڵی گەیاندنی بە خۆشەویستەکەی 50 ملیۆن دیناری لە کچێک وەرگرتبوو.
لە راگەیەندراوێکی پۆلیسی هەولێردا هاتووە، تۆمەتبارێک دەستگیرکرا کە هەڵسابوو بە فێڵکردن بەناوی سیحر و جادوو و فاڵگرتنەوە و فێڵکردن لە هاووڵاتیان، کە زیاتر لە 50 ملیۆن دیناری بە شێوەی جیاجیا لە کچێک وەرگرتبوو و دواتریش هەڕەشەی لێکردبوو، بە بیانووی ئەوەی کەوا رێگایەکی راستی پیشاندەدات و دەیگەیەنێت بە خۆشەویستەکەی.
ئاشکراشیکرد، لە رێگای پلانێکی ئەمنییەوە پاش وەرگرتنی رەزامەندیی دادوەری لێکۆڵینەوە، لەلایەن پۆلیسی هەولێرەوە تۆمەتبار لە کاتی وەرگرتنی پارە لە دادخواز دەستگیر کرا و دانی ناوە بە تاوانەکەیدا.
