وتەبێژی وەزارەتی خوێندنی باڵا و توێژینەوەی زانستیی هەرێم رایگەیاند، لە کاتژمێر 12:00 ی ئەمشەوەوە وێبسایتی زانکۆلاین دادەخرێت و ئەو خوێندکارانەی تا ئەو کاتە فۆڕمەکانیان پڕنەکەنەوە مافی وەرگیرانیان لە زانکۆ و پەیمانگەکان نامێنێت.
عەباس ئەکرەم وتەبێژی وەزارەتی خوێندنی باڵا و توێژینەوەی زانستی بە تۆڕی میدیایی ئێستای راگەیاند، لە کاتژمێر 12:00 ی ئەمشەوەوە وادەی کارابوونی زانکۆلاین کۆتایی دێت و لەدوای ئەو کاتەوە خوێندکاران مافی پڕکردنەوەی فۆڕمیان نامێنێت.
جەختیشیکردەوە، هەتا ئێستا هیچ بڕیارێک نییە بۆ درێژکردنەوەی وادەکەی.
