سەرەڕای رێگریی زۆری شەقامی عێراق و هەرێمی کوردستان، بڕیارە ئەمڕۆ ئەنجومەنی نوێنەرانی عێراق دەنگ لەسەر هەمواری یاسای باری کەسێتی بدات.
بەپێی بەرنامەی کاری کۆبوونەوەی ئەنجومەنی نوێنەرانی عێراق کە بڕیارە کاتژمێر 01:00 ی پاشنیوەڕۆی ئەمڕۆ بەڕێوەبچێت، دەنگ لەسەر هەمواری یاسای باری کەسێتیی عێراق دەدرێت.
بەپێی یاسای باری کەسێتیی عێراق ژمارە 188ی ساڵی 1959، مارەکردنی کچ لە دادگا دەبێت، بەڵام بەپێی هەمواری یاساکە دایکان و باوکان بڕیاردەری چارەنووسی کچی تەمەن سەرو 9 ساڵ دەبن و رێگا دەدرێت لە دەرەوەی دادگاکان و بەبێ ئامادەبوونی دادوەر مارەبکرێت.
هەمواری یاسای باری کەسێتیی عێراق، جێگای مشتومڕی شەقامی عێراق و هەرێمی کوردستانە، چالاکوانانی بواری مافەکانی ژنان پێیانوایە یاساکە ژن دەکاتە قوربانی بڕیارە حزبی، سیاسی، تایفی و مەزهەبییەکانی عێراق.
