لە سنووری قەزای سەیدسادق، سێ هاوڵاتی بەتۆمەتی بڕینی داری سروشتی دەستگیرکران.
بەڕێوەبەرایەتیی پۆلیسی دارستان و ژینگەی سلێمانی لە راگەیەندراوێکدا بڵاویکردەوە، دوای ئەوەی لە لایەن بنکەی پۆلیسی سەیدسادقەوە دوو هاوڵاتی بە تۆمەتی بڕینی داری سروشتی دەستگیرکران ، رادەستی بەشی پۆلیسی دارستانی سەیدسادق کران، پاش لێکۆڵینەوە و بەدواداچوون توانرا هاوڵاتییەکی دیکەش لەسەر هەمان تۆمەت دەستگیربکرێت.
بەپێی راگەیەندراوەکە، هەروەها دەست بەسەر ماتۆڕێکی سێ تایە و مشارێکی داربڕیندا گیرا، هاوکات پەڕاوی لێکۆڵینەوە رێکخرا و بۆ گرتنەبەری رێکاری یاسایی رادەستی دادوەر کرا.
