لەسەر پەلاماردان و سووكایەتیكردن بە هونەرمەندێك، مەڵبەندی سێی هەولێر راگەیەندراوێك بڵاودەكاتەوە و دەڵێت، “ئەم كردەوە تاوانكارییە ترسنۆكانەیە، زۆر بەتووندیی ئیدانە و شەرمەزار دەكەین “.
لە راگەیەندراوەكەی مەڵبەندی سێی هەولێردا هاتووە، دوور لە هەموو بەها مرۆڤایەتییەكان و دابونەریتی جوان و جوامێرانەی كوردەواری و دوور لە هەموو نەریتە جوانەكانی هەولێرێ، ژمارەیەك چەكدار لە عەنكاوای شاری هەولێر، هونەرمەندێكی گۆرانیبێژی عەرەبیان رفاندووە و لەگرتەیەكی ڤیدیۆییدا، سووكایەتیەكی زۆری پێدەكەن و ئازارێكی زۆریشیان داوە.
هەر لە راگەیەندراوەكەدا هاتووە، “ئەم كردەوە تاوانكارییە ترسنۆكانەیە، زۆر بەتووندیی ئیدانە و شەرمەزار دەكەین كە بۆتە هۆی ناشیرینكردنی سومعەی بەرزی كوردەواری و هەولێریان”.
دەشڵێت، “داوا لە دەسەڵاتی كارگێڕیی و قەزایی هەولێر دەكەین، بەزووترین كات بێنە دەنگ و تاوانباران بەسزای یاسایی بگەیەنن”.
