سەرۆكی یەكێتی هیوادەخوازێت پەیامی مرۆڤدۆستانە و ئاشتیخوازانەی پەیامبەری ئیسلام بكرێتە بنەمای كاركردن.
بافڵ جەلال تاڵەبانی، سەرۆکی یەکێتیی نیشتمانیی کوردستان لە پەیامێكدا راگەیاند، یادی لەدایکبوونی پێشەوای مرۆڤایەتی و پێغەمبەری ئیسلام، حەزرەتی محەمەد (د.خ) لە موسڵمانانی كوردستان، عێراق و جیهان پیرۆزبێت.
وتیشی، “هیوادارم ئەم یادە پیرۆزە ببێتە مایەی خێر و خۆشی بۆ كوردستان و قووڵكردنەوەی گیانی لێبووردەیی و پێكەوەژیان. پەیامی مرۆڤدۆستانە و ئاشتیخوازانەی پێغەمبەرمان (د.خ) بكەینە بنەمای كاركردن و هەوڵەكانمان لە خزمەت چاكەی گشتی و خەڵكە خۆشەویستەكەمان بێت”.
ئەمڕۆ یەكشەممە 15ی ئەیلول، كە بەرامبەرە بە 12ی رەبیع لئەوەل، ساڵڕۆژی لەدایكبوونی پەیامبەری ئیسلامە.
