رۆژی یەکشەممەی هەفتەی داهاتوو، پشووی رەسمییە لە سەرجەم دامودەزگا رەسمییەکانی هەرێمی کوردستان و عێراق، بەهۆی ئەوەی رۆژی لەدایکبوونی پێغەمبەری ئیسلامە.
ئەنجومەنی وەزیرانی عێراق لە کۆبوونەوەی خۆیدا بڕیاریدا، رۆژی 15ی ئەیلول بکاتە پشووی رەسمی لە سەرجەم دامودەزگا رەسمییەکان.
هاوکات، لە رۆژژمێری حکومەتی هەرێمی کوردستانیشدا بۆ ساڵی 2024 ئەو رۆژە وەک پشووی رەسمی دیاریکراوە و رۆژەکەش بە پشتبەستن بە رۆژژمێری کۆچی مەزەندەکراوە.
هەموو ساڵێک، موسوڵمانان لە 12ـی رەبیعول ئەوەلدا کە هاوکاتە لەگەڵ لەدایکبوونی پێغەمبەری ئیسلام، لە سەرانسەری جیهان ئەو رۆژە یاددەکەنەوە و کوردیش وەک گەلانی دیکەی موسوڵمانی جیهان، بێبەشنین لەو یادکردنەوەیە و بەشێکە لە دابونەریت و کەلتوری کوردی.
