بڕیارە سبەینێ چوارشەممە مەسعود پزیشکیان سەرۆک کۆماری ئێران بگاتە شاری بەغداد و چەندین کۆبوونەوە لەگەڵ بەرپرسانی باڵای وڵاتەکە ئەنجامبدات.
میدیاکانی عێراق بڵاویانکردەوە، سەردانەکە لەسەر بانگهێشتی سەرۆک کۆمار و سەرۆک وەزیرانی عێراق بووە، ئامانج لێی باشترکردنی پەیوەندییەکانی نێوان هەردوو وڵاتە.
بڕیارە لە سەردانەکەدا چەند رێککەوتننامە و بەڵگەنامەی لێکتێگەیشتن لە بواری ئابووری و ئەمنی واژوو بکرێن.
هاوکات بڕیارە جگە لە بەغداد سەردانیکردنی هەرێمی کوردستان و شاری بەسرە بەشێکی دیکە لە گەشتەکەی پزیشکیان پێکبهێنێت.
لەدوای وەرگرتنی پۆستی سەرۆک کۆماری ئێران ئەمە بە یەکەمین سەردانی پزیشکیان هەژماردەکرێت بۆ دەرەوەی وڵات.
