نوێنەری گشتیی مامۆستایانی وانەبێژ رایگەیاند، بڕیارە ئەمڕۆ وەزارەتی پەروەردە وردبینی لە ناوی مامۆستایانی وانەبێژ تەواوبکات و سبەینێ دووشەممە رەوانەی دیوانی ئەنجومەنی وەزیرانی بکات.
عەلی رەئوف نوێنەری گشتیی مامۆستایانی وانەبێژ بە تۆڕی میدیایی ئێستای راگەیاند، بڕیارە ئەمڕۆ وەزارەتی پەروەردە وردبینی لە ناوی مامۆستایانی وانەبێژ تەواوبکات و سبەینێ دووشەممە رەوانەی دیوانی ئەنجومەنی وەزیرانی بکات، لەوێوە رەوانەی وەزارەتی دارایی بکرێت و دواتر لە رێگای گەنجینەکانەوە خوێندنگەکان ئاگاداردەکرێنەوە بە مەبەستی دەستپێکردن بە مامەڵەکان لەلایەن مامۆستایانەوە.
ئاشکراشیکرد، لە وەزارەتەوە بە ئێمە وتراوە، جێبەجێکردنی ئەو رێکارانە یەک مانگی دەوێت و بڕیارە تا 25 ی ئەم مانگە کە هاوکات دەستپێکی ساڵی نوێی خوێندنە سەرجەم رێککارەکانی بەگرێبەستکردن تەواوبکرێن.
