وەزارەتی نەوتی عێراق بڕی هەناردەی مانگی تەمموزی بڵاوکردەوە و دەڵێت، “رێژەی هەناردەی مانگی تەمموز 108 ملیۆن بەرمیل نەوتی تێپەڕکردووە.
لە راگەیەندراوێکدا وەزارەتی نەوتی عێراق ئاماژەی بەوەکردووە، بە گوێرەی ژماردنی کۆتایی کۆمپانیای بەبازاڕکردنی نەوتی عێراق (سۆمۆ) بڕی هەناردە 108 ملیۆن و 53 هەزار و 356 بەرمیل بووە.
باس لەوەشکراوە، زۆرینەی هەناردەی نەوت لە کێڵگە نەوتییەکانی ناوەڕاست و باشووری عێراق بووە کە 106 ملیۆن و 125 هەزار و 200 بەرمیل بووە و هەناردەی قیارەش 928 هەزار و 156 بەرمیل بووە.
