سەرۆکی هاوپەیمانیی کەرکوک هێز و ئیرادەمانە رایگەیاند، تاوتوێی میکانیزمێکمان کردووە لە پرسی ئەو حەوت هەزار و 403 پلە وەزیفییەی لە رێگایە بۆ کەرکوک و دەمانەوێت بەشێوەیەکی یەکسان و روون و بەبێ ستەمکردن لە هیچ پێکهاتەیەک بەڕێوەبچێت.
نەشئەت شاهوێز، سەرۆکی هاوپەیمانیی کەرکوک هێز و ئیرادەمانە و ئەندامی ئەنجومەنی پارێزگای کەرکوک راشیگەیاند، چاوەڕوانن لە کۆبوونەوەی داهاتووی ئەنجومەنەکەدا، لە جێگەی ئەوەی 9 ئەندام بەشداری بکەن، هەر 16 ئەندامەکە بەشداری بکەن.
جەختیشی کردەوە، چاوەڕوانی پێکهاتەکانی تورکمان و لایەنی پارتی دەکەن بۆ بەشداریکردن لە دانیشتنەکانی ئەنجومەنی پارێزگای کەرکوک و پێشکەشکردنی ناوی کاندیدی لێهاتوو بۆ پڕکردنەوەی ئەو پۆستانەی بۆیان دیاریکراوە.
