لە ئەنجامی کەوتنەخوارەوەی فڕۆکەیەکی بچووک دوو کەس گیانیان لەدەستدا و کەسێکیش رزگاری بوو.
بەپێی ئەوەی دەسەڵاتدارانی مالاوی رایانگەیاندووە، فڕۆکەوانێکی خەڵکی زمبابۆی و هاوڵاتییەکی هۆڵەندی لە رووداوێکی کەوتنەخوارەوەی فڕۆکەیەکی بچووک لە نزیک دەریاچەی مالاوی گیانیان لەدەستدا.
حکومەتی مالاوی لە بەیاننامەیەکدا رایگەیاند، فڕۆکەی سێسنا بە دووری 200 کیلۆمەتر لە باکووری رۆژهەڵاتی لیلۆنگوی پایتەخت نزیک کەناراوەکانی دەریاچەی مالاوی کەوتووەتە خوارەوە.
باس لەوەش دەکات، بەهۆی رووداوەکەوە فڕۆکەوانەکە گیانیلەدەستداوە، کە خەڵکی زیمبابۆی-ە و تەمەنی 50 ساڵانە و هاوڵاتییەکی هۆڵەندییش کە گیانیلەدەستداوە تەمەنی 29 ساڵانە.
ڤێرا کامتۆکۆلی، وەزیری گەشتوگوزاری مالاوی رایگەیاند، ژنێکی گەنجی هۆڵەندی بە ناوی شارلۆت لیمسترا کە تەمەنی 22 ساڵانە لە رووداوەکەدا رزگاری بووە.
