بەڕێوەبەرایەتیی هاتوچۆی سۆران رایدەگەیەنێت، بۆ ماوەی 10 رۆژ رێگای سایدێکی خەلیفان – سپیلک بەڕووی شۆفێراندا دادەخرێت.
لە راگەیەندراوێکدا بەڕێوەبەرایەتیی هاتوچۆی سۆران ئاماژە بەوە دەکات، ”بەهۆکاری ئەنجامدانی قۆناغی کۆتایی قیرتاوکردن، سبەینێ رێگای دووسایدی خەلیفان – سپیلک، سایدی چوون لە خەلیفان بۆ سپیلک بۆ ماوەی 10 رۆژ تاوەکو 1ی ئەیلولی 2024 دادەخرێت”.
دەشڵێت، ”سایدی هاتن لە سپیلک بۆ خەلیفان بۆ هەردوو ئاڕاستەی چوون و هاتن بەکاردەهێنرێت، داوا لە شوفێران دەکەین کە پابەندی رێنماییەکانی هاتوچۆبن”.
