بەڕێوەبەرایەتیی هاتوچۆی هەولێر رایدەگەیەنێت، سبەینێ رێگای بەشێکی هەولێر – کۆیە دادەخرێت و لەجیاتی ئەوە رێگای هەنارە بەکاربهێنن.
لە راگەیەندراوێکدا بەڕێوەبەرایەتیی هاتوچۆی هەولێر ئاماژە بەوە دەکات، بەیانی رۆژی چوارشەممە کە دەکاتە 21ی ئابی 2024، کاتژمێر 7:00 رێگای هەولێر – کۆیە لە هەورازەنەفتە تاوەکو دەربەندی گۆمەسپان کاری نۆژەنکردنەوەی تێدا ئەنجامدەدرێت و رێگاکە دادەخرێت”.
دەشڵێت، ”داوا لە شوفێران دەکەین ئەوانەی مەبەستیانە لەو رێگایەوە بەرەو دەربەندی گۆمەسپان بڕۆن رێگای هەنارە وەک رێگای جێگرەوە بەکاربهێنن”.
