بەڕێوەبەرایەتیی گشتیی شەهیدان و ئەنفالکراوانی هەولێر ئاگاداری وارسی شەهیدان و ئەنفالکراوان دەکاتەوە لەماوەی 60 رۆژدا بایۆمەتری دروست نەکەن مووچەکانیان رادەگیرێت.
بەڕێوەبەرایەتیی گشتیی شەهیدان و ئەنفالکراوانی هەولێر، لە راگەیەندراوێکدا بڵاویکردەوە، ئاگاداری بنەماڵەی شەهیدان وئەنفالکراوانی سنووری هەولێردەکەینەوە، ئەوانەی وارسی شەهیدن و بایۆمەترییان نەکردووە، یاخود کۆدی بایۆمەترییان نەهێناوە، پێویستە لە بەرواری 11ی ئابی 2024 کە دەکاتە رۆژی یەکشەممەو رۆژانی دواتر، سەردانی بەڕێوەبەرایەتیی گشتیی شەهیدان وئەنفالکراوانی هەولێر لە گەڕەکی (ئازادی) بکەن، بۆ ئەنجامدان و وەرگرتنی کۆدی بایۆمەتری.
باس لە ئەوەش دەکات، بۆ ئەومەبەستە پێویستە لەسەر هەر وارسێک (ناسنامەی شەهیدان و کارتی نیشتیمانی)ی پێبێت.
لە راگەیەندراوەکەدا هاتووە، ئەم پرۆسەیە بۆ ماوەی 60 رۆژ بەردەوامدەبێت، بەپێچەوانەوە ئەو وارسانەی بایۆمەترییان ئەنجامنەداوە مووچەکانیان رادەگیرێت.
