حکومەتی هەرێمی کوردستان بڵاویکردەوە، بەمەبەستی چارەسەرکردنی کێشەی ناهاوسەنگیی رێژەی فەرمانبەران و ئاسانکاریی رێکارەکان بۆ پڕکردنەوەی پێداویستیی میلاکات و بەرزکردنەوەی کارایی دام و دەزگاکانی حکومەت لەو ناوچانە، رەزامەندیی لەسەر دراوە هەریەكە لە پارێزگاری (سلێمانی و هەڵەبجە) و ئیدارە سەربەخۆکانی گەرمیان و ڕاپەڕین دەسەڵاتی دەرکردنی فەرمانی گواستنەوەی راژە و تەنسیبیان پێدەدرێت.
بەگوێرەی نوسراوەکەی حکومەتی هەرێمی کوردستان دەسەڵاتەکە بۆ ماوەی دوو ساڵە و بۆ فەرمانبەرانی فەرمانگە حكوومییەکانە لە پسپۆڕییە جیاوازەکان جگە لە راژەی سەربازی، ئەم فەرمانە وەزارەتەکانی پێشمەرگە و پەروەردە و خوێندنی باڵا و توێژینەوەی زانستیش ناگرێتەوە.
هاوکات، حکومەت رەزامەندی داوە بە دامەزراندنی 177 فەرمانبەر بەشێوەی گرێبەست لە پسپۆڕییە .جیاوازەکان بۆ سلێمانی و چەند بڕیارێکی دیکە
هاوکات، بۆ پارێزگای هەڵەبجە رەزامەندی درا لەسەر دامەزراندنی 52 فەرمانبەر بە شێوەی گرێبەست لە پسپۆڕییە جیاوازەكان بۆ دیوانی پارێزگای هەڵەبجە و قایمقامیەتەكانی و ناحیەكان و چەند بڕیارێکی دیکە.
جگە لەوەش، چەند نوسراوێک بۆ هەردوو ئیدارەی سەربەخۆی راپەڕین و گەرمیان دەرکرا:
نووسراوه‌كانى حکومەتی هەرێمی کوردستان بۆ ئيداره‌ى سه‌ربه‌خۆى راپه‌ڕين.
نووسراوه‌كانى حکومەتی هەرێمی کوردستان بۆ ئيداره‌ى سه‌ربه‌خۆى گەرمیان.
