بەپێی راپۆرتێک ژمارەی کرێکارانی بیانیی کە بەشێوەی رەسمی هاتوونەتە عێراق گەیشتووەتە 51 هەزار کرێکار و جگە لەوەی ئەو کرێکارە بیانییانەی بە شێوەی نارەسمی داخڵی عێراق بوون چەند هێندەیی ئەو ژمارەیەیە.
بەپێی راپۆرتێکی عێراقی، ئەو ژمارە کرێکارەی بە شێوەی رەسمی و بەپێی رێککارە یاساییەکان هاتوونەتە عێراق لە ئاستی پێویستی بازاڕی کاردان و هیچ کێشەیەکیان نییە.
ئاشکراشیکرد، ژمارەیەکی زۆر لە کرێکاری بیانیی بە تایبەت کرێکاری سووری بە شێوەی نایاسایی و لە رێگای هەرێمی کوردستانەوە هاتوونەتە عێراق کە ژمارەیان سەدان هەزار کرێکارە.
هەر لە راپۆرتەکەدا هاتووە، دەرفەتی تا 1 ی ئەیلولمان داوە بەو خاوەن کارانەی کرێکاری بیانیی نایاساییان لایە کە چارەسەری ئەو کێشەیە بکەن بە پێچەوانەوە رووبەڕووی رێکاریی یاسایی دەبنەوە هەر وەک لە رابردوودا چەندین کۆمپانیا بەو هۆکارە سزادراون.
