شێخ حەسینە واجید سەرۆک وەزیرانی بەنگلادیش دەستی لەکارکێشایەوە و بەرەو هیندستان هەڵات.
ئاژانسی هەواڵی رەسمی بەنگلادیش بڵاویکردەوە، لەدوای ئەو خۆپیشاندان و گرژی و ئاڵۆزییەی چەند رۆژێکە وڵاتەکەی گرتووەتەوە، شێخ حەسینە واجید سەرۆک وەزیرانی بەنگلادیش دەستی لەکارکێشایەوە و هەڵات، هەزاران هاوڵاتییش هەڵیانکوتایە سەر کۆشکی سەرۆکایەتی و دەستیان بەسەریداگرت.
شێخ حەسینە واجید، ماوەی 15 ساڵە سەرۆک وەزیرانە، ئەمەش ناڕەزایەتیی هاوڵاتییانی لێکەوتووەتەوە و داوایانکرد کە کورسییەکەی جێبهێڵێت.
بەهۆی ئەو خۆپیشاندانانەی وڵاتەکەی گرتووەتەوە، زیاتر لە 300 کەس کوژراون.
