بەڕێوەبەرایەتیی تەندروستیی سۆران رایدەگەیەنێت، دوای ئەوەی ژنێك بەهۆی ئازاری گەدەوە سەردانی پزیشك دەكات، دوای پشكنین دەردەكەوێت چەند گرێیەك لەناو منداڵدانیدا هەیە و پزیشكەكان بڕیار دەدەن گرێیەكان دەربهێنن.
بەپێی راگەیەندراوێكی بەڕێوەبەرایەتیی تەندروستیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ یەكشەممە، بەڕێوەبەرایەتیی تەندروستی سۆران بڵاویكردووەتەوە دوێنێ تیمێكی پزیشكیی نەشتەرگەرییەكەیان بۆ ئەو ژنە كردووە و لەناو منداڵدانیشیدا چەند گرێیەك هەبووە، بەڵام دوای 24 كاتژمێر ئەمڕۆ نەخۆشخانەی بەجێهێشتووە و گەڕاوەتەوە ماڵەوە.
ئاماژە بۆ ئەوەش كراوە،، نەشتەرگەرییەكەی لە نەخۆشخانەی لەدایكبوونی سۆرانی فێركاری بەسەركەوتوویی ئەنجامدراوە كە گرێیەكان سێ دانە بووە بە قەبارەی 1.18 سانتیمەتر، 15.10 سانتیمەتر و دانەكەی دیكەشیان قەبارەكەی 7.5 سانتیمەتر بووە، كە بە هەرسێگیان دوو كیلۆ و 800 گرام بوو.
