پۆلیسی سلێمانی دەستگیرکردنی تۆمەتبارێك رادەگەیەنێت کە تەقەی لە ماڵێك كردبوو.
بەڕێوەبەرایەتیی پۆلیسی پارێزگای سلێمانی لە راگەیەندراوێکدا بڵاویکردەوە، دوای ئەوەی هاوڵاتییەك سكاڵای تۆماركرد كە لە گوندی گۆخڵان تەقە لە ماڵەكەی كراوە، مەفرزەكانی بنكەی پۆلیسی گەرمكی سەر بە بەشی پۆلیسی پێنجوێن لێكۆڵینەوە و بەدواداچوونەكانیان دەستپێكرد.
دەشڵێت، دوای وەرگرتنی بڕیاری دادوەر توانرا تۆمەتبار بدۆزرێتەوە و دەستگیربكرێت .
بەپێی راگەیەندراوەکەی پۆلیسی سلێمانی، ئێستا تۆمەتبار بە بڕیاری دادوەر و بەپێی ماددەی 406-31 لە یاسای سزادانی عێراقی راگیراوە و لێكۆڵینەوە لەگەڵیدا بەردەوامە .
