کەژاڵ ئەحمەد و منداڵەکانی، خێزانێکی چوار کەسی بوون لەناو ئەو بەلەمەی لە 24ی تشرینی دووەم لە کەناڵی ئینگلیز، دوای نوقمبوونی، 27 کۆچبەری تێدا خنکان.
خانەوادەی کەژاڵ ئەحمەد شەوی ڕابردوو ئەوەیان پشتڕاستکردەوە، کە کچەکەیان و سێ منداڵی کە لە ڕۆژی ڕووداوەکەوە هیچ هەواڵێکیان نەبووە، لەناو ئەو بەلەمەدا بوون و بۆیان دەرکەوتووە سەرجەمیان خنکاون.
محەمەد ئەحمەد، برای کەژاڵ دەڵێت، “دوای ئەوەی سامپڵی خێزانەکەمان بەمەبەستی پشکنینی DNA نێردرا بۆ وڵاتی فەرەنسا و هاوتا کرا لەگەڵ پشکنینی تەرمەکانیان، هەواڵمان پێدرا کە تەرمەکان خوشکەکەم و منداڵەکانین”.
ئەو خێزانەی لە بەلەمەکدا خنکاون، خەڵکی شارۆچکەی دەربەندیخانن، دایکێک و دوو کچ و کوڕێکی بوون بەناوەکانی کەژاڵ ئەحمەد، هەدیە ڕزگار، موبین ڕزگار و هەستی ڕزگار.
