لەناو بینای باڵیۆزخانەی ئەمریکاوە لە ناوچەی سەوزی بەغداد بە چەکی جۆری قەناس هێرشکرایە سەر ژنێکی عێراقی و بە سەختی بریندارکرا، عێراقیش لیژنەیەکی لێکۆڵینەوە لە رووداوەکە پێکدەهێنێت.
کەریم علەیوی سەرۆکی لیژنەی ئاسایش و بەرگری لە ئەنجومەنی نوێنەران رایگەیاند، دوای برینداربوونی ژنێک لەبەردەم باڵیۆزخانەی ئەمریکا لە بەغداد لیژنەیەکی هاوبەشی لێکۆڵینەوەمان پێکهێناوە.
ئاماژەی بەوەشکرد، ئەوەی روویداوە مەترسیدارە و پێشێلکردنی مافی هاوڵاتییانی عێراق و سەروەری خاک و سەلامەتییەتی.
بەپێی ئەو زانیارییانەی لە بەشێک لە میدیا عێراقییەکا بڵاوکراوەتەوە، لە کاتی رووداوەکەدا ژنەکە سەرقاڵی نوێژکردن بووە و بە چەکی جۆری قەناس پێکراوە و دواتر رەوانەی نەخۆشخانەکراوە بە مەبەستی چارەسەر.
