بەرهەم ساڵح: داوا لە وڵاتانی جیهان دەکەین عێراق نەکەنە مەیدانی یەکلاییکردنەوەی ململانێکانی ناوچەکە

بەرهەم ساڵح، سەرۆککۆماری عێراق ئەمڕۆ شەممە 13ی شوبات ڕایگەیاند کە نابێت ڕێگە بدەین عێراق بکرێت بە مەیدانی یەکلاییکردنەوەی ململانێ ناوچەییەکان و بەبێ سەقامگیری و ئاسایشی عێراق ناوچەکە سەقامگیری و ئاسایش بەخۆیەوە نابینێت.

بەرهەم ساڵح لەمیانی بەشداریکردنی لە یادی ڕۆژی شەهیدانی عێراق ڕایگەیاند، “ئەمڕۆ یادی شەهیدانی عێراق دەکەینەوە دژی زوڵم و سەرکوتکردن و تیرۆر”.

وتیشی، “پێویستمان بە پێداچوونەوەیە لە کۆی پرۆسەی سیاسی و دانانی بەڵێننامەیەکی سیاسی نوێمان پێویستە کە تێیدا هەڵەکان ڕاستبکرێنەوە و ویستەکانی گەلی تێدە جێگەببێتەوە”.

وتیشی، “نابێت هەنگاوەکانی چاکسازی کە بەدەستمانهێناوە فەرامۆش بکەین و پێویستە بایەخ بە ئەنجامدانی هەڵبژاردنەکان بدەین”.

ئاماژەی بەوەشکرد، “ئاستەنگی زۆرمان لەبەردەمدایە بۆ بەردەوامبوونی جاکسازییەکان و گرنگترینیشیان ئەو ئاستەنگانەیە کە دێنە بەردەم هەڵبژاردنێکی پاک و بێگەرد”.

سەرۆککۆماری باسیلەوەکرد، “ئێمە پێویستمان بە بیروڕا و ڕێگەی جیاواز هەیە، بەڵام بە کێشە و ناکۆکیی نەتەوەی و مەزهەبی دەگەڕێنەوە دواوە، لەلایەکی دیکەوە بە بونیادنانی وڵاتێک لەسەر بنەموی یاسا و پاراستنی سەروەرییەکانی وڵاتەکەمان بەرەوپێش دەچین و هەنگاوەکانمان مایەی شانازی دەبن”.

بەرهەم ساڵح باسیلەوەشکرد، “ناێت ڕێگەبدەین عێراق بکرێت بە مەیدانی یەکلاییکردنەوەی ناکۆکییە سیاسییەکانی ناوچەکە و ئاسایش و سەقامگیری لەو ناوچەیە بەدینایەت ئەگەر ئاسایش و سەقامگیری لە عێراق بەدینەیەت”.

بابەتی پێشتر

كۆرۆنا گورز لە هاینكن دەوەشێنێت

بابەتی دواتر

سلێمانی.. تۆمەتبارێك دەستگیركرا

بابەتی پەیوەندیدار
Total
54
Share