بەرپرسێكی وەزارەتی خوێندنی باڵا و توێژینەوەی زانستیی هەرێم رایدەگەیەنێت، بۆ ئەمساڵ هەوڵدەدرێت كورسیی خوێندن بۆ سەرجەم خوێندكارانی دەرچووی قۆناغی 12ی ئامادەیی دابینبكرێت.
د. خەتاب ئەحمەد، بەڕێوەبەری خوێندن و پلاندانان و بەدواداچوون لە وەزارەتی خوێندنی باڵای هەرێم لە دیدارێكی تەلەفزیۆنیدا رایگەیاند، بۆ ئەمساڵ وەزارەتی خوێندنی باڵا هەوڵدەدات كورسیی خوێندن بۆ سەرجەم دەرچووانی قۆناغی 12ی ئامادەیی لە زانكۆ و پەیمانگاكان بڕەخسێنێت.
وتیشی، “پلانی ئەمساڵی وەزارەت ئەوەیە زیاتر لە 60 هەزار كورسیی خوێندن لە زانكۆ و پەیمانگە حكومییەكان هاوشێوەی چەند ساڵی رابردوو بۆ دەرچووانی قۆناغی 12ی ئامادەیی دابینبكرێت”.
