دەسەڵاتدارانی جەزائیر بڵاویانکردەوە، جۆرە پۆشاکێکی ژنان لە بازاڕەکان کشێندراوەتەوە کە هۆکاربووە بۆ تووشبوون بە نەخۆشی شێرپەنجە و رەبۆ.
بەڕێوەبەرایەتیی بازرگانیی وەهران لە وڵاتی جەزائیر بڵاویکردەوە، دەست بە لێکۆڵینەوە کراوە لە جۆرێک پۆشاکی ژنان کە بە رێگای ئۆنلاین دەفرۆشرێت و لە وڵاتی چین بەرهەمهێنراوە، دەرکەوتووە ماددەی قەدەغەکراو و ژەهراوی لە دروستکردنیدا بەکارهێنراوە.
ئاماژەی بەوەشکرد، ئەو ماددەیە گەر بەر پێست بکەوێت دەبێتە هۆی شێرپەنجە و رەبۆ.
پۆشاکەکە بە نرخێکی هەرزان لە یەکێک لە مۆڵەکانی جەزائیر بەردەست بووە، بۆیە لەلایەن دەزگا ئەمنییەکانەوە دەستیبەسەردا گیراوە.
