بە مەبەستی دروستکردنی دوو ئەندەرپاس، شەقامێکی دیکەی سلێمانی بەربەستدەکرێت.
سەرۆکایەتیی شارەوانیی سلێمانی، لە راگەیەندراوێکدا بڵاویکردەوە، سبەینێ 13ی تەمموزی 2024، شەقامی سەرەکیی هەواری شار لە بەردەم بەڕێوەبەرایەتیی کۆمپانیاکانی سلێمانی و بەڕێوەبەرایەتیی چاودێریی بازرگانی بە ئاڕاستەی پارکی هەواری شار بەربەستدەکرێت.
دەشڵێت، بەربەستکردنی شەقامەکە بە مەبەستی فراوانکردنی شەقامی سەرەکیی “هەواری شار و دروستکردنی دوو ئەندەرپاس”ە، لە چوارچێوەی کارەکانی (پرۆژەی یەکتربڕی سەر شەقامی ھەواری شار).
شارەوانیی سلێمانی، باس لە ئەوەش دەکات، شۆفێران دەتوانن “شەقامەکەی تەنیشتی” وەک جێگرەوە بەکاربهێنن کە بۆ ئەو مەبەستە دروستکراوە.
