هەموواری دووەمی یاسای کۆمسیۆنی باڵای سەربەخۆی هەڵبژاردنەکان لە عێراق لە رۆژنامەی وەقائعی عێراقی بڵاوبووەوە و کەوتە بواری جێبەجێکردنەوە.
ئەمڕۆ پێنجشەممە ژمارە چوار هەزار و 783 ی رۆژنامەی وەقائعی عێراق بڵاوبووەوە و کە تێیدا یاسای ژمارە 13 ی ساڵی 2024 کە پێکهاتووە لە هەموواری دووەمی یاسای کۆمسیۆنی باڵای سەربەخۆی هەڵبژاردنەکان بڵاوکراوەتەوە.
بڵاوکردنەوەی یاساکە لە رۆژنامەی رەسمی وڵاتدا یەکسانە بە کەوتنە بواری جێبەجێکردنەوەی یاساکە.
ئەمە لە کاتێکدایە لە 22 ی ئایاری ئەمساڵ ئەنجومەنی نوێنەران بە زۆرینەی دەنگ هەموواری یاسای کۆمسیۆنی باڵای هەڵبژاردنەکانی پەسەندکرد.
